Esti 1º de mayu dende CNT dicimos basta. Nun podemos dexar que destruyan el nuesu mundu, la nuesa dignidá, el nuesu futuru.
L’amenaza tien munches cares: La d’un sistema capitalista que nos esplota, escosa los recursos naturales y degrada el mediu ambiente. La d’una clase política corrupta y elitista que destrúi lo público, ignora les nueses necesidaes y que nos lleva a xenocidios y a guerres. Tamién la d’una sociedá que discrimina, marxina y esclúi a les más vulnerables.
El nuesu sindicatu crez ca día. Anque nos intentaron callar cientos de vegaes, cada vez tenemos más presencia nes lluches, nes fuelgues, nos centros de trabayu. La bandera rojinegra de la Confederación ondea allá onde hai un conflictu llaboral, onde una de nós esixe lo que ye xustu. Dende Xixón hasta Granada, de León a Barcelona.
Les nueses lluches y reivindicaciones siguen agora más vixentes que nunca, por unes condiciones dignes de trabayu,
salarios xustos y drechos sindicales. Por una sociedá basada na igualdá, la solidaridá y el apoyu mutuu. Por un mundu que mereza la pena ser vivíu.
Por eso construyimos un sindicalismu d’acción directa, trabayamos día ente día pa organizanos nos nuesos trabayos, dende les asamblees, ensin dirixentes nin dirixios, onde toles persones valimos lo mesmo y les nueses opiniones son teníes en cuenta, onde se nos escucha, onde aprendemos a escuchar. Onde ponemos en práctica’l mundu que queremos y lluchamos pa camudar lo que nun nos gusta.
nun vamos parar hasta que nun consigamos que toles persones sían dueñes del so destín, onde la riqueza se distribuya de forma equitativa y onde la naturaleza sea respetada. Llegó’l momentu de amosar que nós somos más, que tábamos equí primero que ellos y que somos capaces de construyir tou aquello qu’ellos esborran ca día.
No dejaremos que acaben con todo. Construyamos juntas un mundo mejor
Dejar una contestacion